Вести и објави

Општина Боговиње е една од руралните општини во Република Северна Македонија која аплицираше во Министерството за Финансии за фотоволтаичниот систем, проект финансиран од Европската унија.

Преку овој проект, општината освои можност да го инсталира фотоволтаичниот систем во три објекти: спортската сала во населбата Камењане, општинскиот објект во Боговиње и општинскиот објект во Камењане. Овој систем ќе ја преполови цената за електричната енергија од гореспоменатите објекти.

Општина Боговиње е максимално ангажирана со енергетската ефикасност и гарантира дека овој проект ќе продолжи да се спроведува во други јавни објекти кои припаѓаат на општината.

За празникот на 7- ми Март, Општина Боговиње организираше манифестација во која градоначалникот Албон Џемаили ги поздрави сите учесници, им честита на сите наставници празникот на 7 март и им се заблагодари за учеството во овој настан.

Исто така, градоначалникот додели благодарница за учениците кои учествуваа на општинскиот натпревар “Најдобар Есеј” во литература, за наставниците кои непрекинато работеа со овие ученици и за ветераните од образованието.

Градоначалникот на Општина Боговиње, г. Албон Џемаили денес го одржа свеченото отворање на училишната спортска сала во Камењане, каде што беше поканет и министерот за Образование и Наука, г. Арбер Адеми.
Општина Боговиње постојано се обидува да создаде подобри услови за учениците со цел да го зголеми квалитетот на образованието и мотивацијата на наставниците. Со изградба на спортската сала, студентите ќе имаат можност да ги практикуваат своите омилени спортови во добри услови. Оваа година се доделени средства за набавка на техничка опрема, кои се потребни за олеснување и подобрување на образовниот процес. Исто така, покрај салата во Камењане, се предвидува изградба на спортски сали во Боговиње, Пирок и Палчиште.
На крајот, градоначалникот му се заблагодари на министерот г. Арбер Адеми и сите кои придонесоа за реализација на овој проект.

На 28 јануари 2019 година, клучевите на училишната сала “Сабедин Бајрами” – Камењане беа предадени од претставникот на Министерството за Образование и Наука во присуство на градоначалникот, како и директорот на О.О.У. “Сабедин Бајрами” – Камењане.
Ве информираме дека свеченото отворање на салата ќе се одржи на 30.01.2019 година, а за подетални информации ќе ве информираме следните денови.
Градоначалникот му се заблагодари на претставникот на Министерството за оваа инвестиција, надевајќи се дека ќе почне да работи што е можно побрзо во изградбата на други сали во другите села во нашата општина.