Вести и објави

На  05.05.2023 година, во ресторан “Флоар“ во присуство на граѓани, Oпштина Боговиње успешно ја одржа сесијата на четвртиот Форум во заедницата, форуми кои се организираат во рамки на проектот “Зајакнување на општинските совети – Фаза 2“, финансиран од Швајцарската Амбасада и Министерството за локална самоуправа и кофинансиран од УНДП и има за цел да ги вклучи граѓаните во процесот на одлучување на општинско ниво.

На сесијата на четвртиот Форум, модераторот повторно ги презентираше правилата и критериумите за избор на проектот што ќе се финансира во рамките на форумот во заедницата, како и  се анализираше кои од граѓаните имаат право на глас врз основа на нивното учество. Тогаш граѓаните изгласаа три предлози – проекти: “Регулирање на речното корито во н.м. Пирок“, “Изградба на тротоар во н.м. Пирок“ и “Изградба на пат што го поврзува н.м. Раковец со н.м. Боговиње“. Од овие три проекти, граѓаните на Општина Боговина најмногу гласаа за “Регулација на речното корито во н.м. Пирок“.

Градоначалникот на Општина Боговиње, Бесник Емшиу им се заблагодари на сите за нивното значајно учество за успешното спроведување на форумите како и за придонесот даден при предлозите на бројни проекти, кои се многу неопходни да се реализираат во Општина Боговина. Сето ова ќе и служи на Општината во планирањето на активностите и развојот на идните проекти.

#ЗајакнувањеНаОпштинскитеСовети#ГраѓанитеНаПрвоМесто#CHinMK#SDGs

На 28.04.2023 година, во ресторан “Флоар“ во присуство на граѓани, Општина Боговиње успешно ја одржа сесијата на третиот Форум во заедницата, форуми кои се организираат во рамки на проектот “Зајакнување на општинските совети – Фаза 2“, финансиран од Швајцарската Амбасада и Министерството за локална самоуправа и кофинансиран од УНДП и има за цел да ги вклучи граѓаните во процесот на одлучување на општинско ниво.

Во третата сесија на Форумот, модераторот ги презентираше правилата и критериумите за избор на проект кој ќе се финансира во рамките на форумот во заедницата. Потоа беа презентирани три предлог – проектите кои произлегоа од предлозите на граѓаните на првата сесија и се од областа на општинската инфраструктура. Предлог – проектите кои беа презентирани на оваа сесија беа: “Регулирање на коритото во н.м Пирок“, “Изградба на тротоар во н.м Пирок“ и “Изградба на пат што го поврзува н.м Раковец со Боговиње“.

Градоначалникот на Општина Боговиње, Бесник Емшиу, им се заблагодари на сите за учеството и придонесот.

#ЗајакнувањеНаОпштинскитеСовети #ГраѓанитеНаПрвoМесто #CHinMK #SDGs

На 28.04.2023 година, градоначалникот на општина Боговина присуствуваше на настанот организиран во хотел „НБ“ по повод потпишувањето на Договорот со градоначалниците на Полог за формирање на Одделението за стопанисување со води и ризици од поплави во планскиот регион на Полог.

Дополнително, на овој настан беа отворени различни дискусии во однос на следните чекори во реализацијата на активностите за Заедничката единица во рамки на проектот “Подобрување на отпорноста од поплави во Полошкиот регион“ финансиран од Амбасадата на Швајцарија, а имплементиран од УНДП.

Во рамките на планираните активности од проектот за прекугранична соработка “Fireshield“ IPA/2021/429-446, во просториите на Oпштина Боговиwe, градоначалникот Бесник Емшиу го потпиша Договорот за набавка на противпожарно возило (камион).

Ова специјално возило ќе биде во служба на противпожарната станица која е дел од заедничкиот IPA проект со Oпштина Врапчиштe.

На 17.03.2023 година, во ресторанот “Флоар“ во присуство на околу 80 граѓани, Oпштина Боговиње успешно ја одржа сесијата на вториот Форум во заедницата, форуми кои се организираат во рамки на проектот „Зајакнување на општинските совети – Фаза 2 “, финансиран од Швајцарската Амбасада и Министерството за локална самоуправа и кофинансиран од УНДП и има за цел да ги вклучи граѓаните во процесот на одлучување на општинско ниво.

Во втората сесија на Форумот, модераторот ги презентираше критериумите за избор на проектот, а потоа граѓаните презентираа предлози – концепти, кои ќе бидат решенија за многуте проблеми со кои се соочуваат како граѓани. Овие предлози – концепти произлегоа од предлозите на граѓаните на првата седница и се од областа на општинската инфраструктура. Во тек, предлог – концептите ќе се обработуваат во форма на предлог – проекти, а најприоритетните ќе се финансираат од проектот и со кофинансирање од општината.

Градоначалникот на Општина Боговиње, Бесник Емшиу, им се заблагодари на сите за учеството и придонесот.

Во рамките на Прекуграничната Соработка на Европската Унија, Северна Македонија – Албанија (ИПА 2) за проектот CROSS BORDER “FIRESHIELD”, со фокус на подобрување на системите за заштита од пожари и одговор во соработка со соседните општини од Северна Македонија и Албанија како проект кој мора да се реализира до август 2024 година, на 8 март 2023 година, министерот за локална самоуправа во Северна Македонија, г-дин Ристо Пенов, изврши увид во текот на работите на станицата што се гради.

Овој проект вклучува заеднички напори на три општини – Врапчиштe и Боговиње во Северна Македонија и Општина Церик и невладината организација Царитас во Албанија, да придонесат за заштита на животната средина во прекуграничната област преку подобрување на јавната инфраструктура за управување со ризици.

Министерот за локална самоуправа нагласува дека проектот ќе придонесе за заштита на животната средина и спречување на шумски пожари во прекуграничната област, што е од суштинско значење за зачувување на нашите природни ресурси и гарантирање на безбедноста на нашите граѓани. Овој проект ја покажува посветеноста на Северна Македонија и Албанија да работат заедно кон заеднички цели и да ги зајакнат нашите врски како соседни земји. Министерството за локална самоуправа ќе ги покрие трошоците од македонска страна во висина од 15 проценти, рече министерот Пенов. “Ги повикувам сите вклучени страни тесно да соработуваат и активно да се вклучат во проектот за да се осигураат дека тој ќе ги постигне своите цели и ќе донесе трајни придобивки за прекуграничниот регион. Време е да работиме заедно за да ја заштитиме нашата животна средина и да ги заштитиме нашите заедници од разорните ефекти на шумските пожари“, додаде тој. Овој проект е одличен пример за посветеноста на Европската Унија за промовирање на регионалната интеграција, развој и кохезија. Овој проект помага за зајакнување на односите и унапредување на соработката и солидарноста меѓу соседните земји, истовремено подобрувајќи ги системите за заштита од пожари и одговор за доброто на заедниците и животната средина“, заклучи министерот. Тој додаде дека е купена специјална опрема против катастрофи за противпожарната служба на општина Церик, а исто така ќе биде создаден и опремен систем за одговор при катастрофи од 20 лица, кој ќе вклучува пензиониран воен персонал и локални жители од руралните области во прекуграничната регион.

Понатаму, 8.200 основци ќе ја подигнат свеста за превенција од шумски пожари и за последиците од шумските пожари врз животната средина, а ќе бидат поставени и аларми за пожар во 3 основни училишта. Повеќе од 25.000 рурални домаќинства и над 110.000 луѓе од руралните средини на прекуграничната област, исто така, ќе ја подигнат свеста за превенција од пожари и шумски пожари.

Овој проект е финансиран во рамките на повикот ИПА II, CBC, EuropeAid/170339/DD/ACT/MK

На 03.03.2023 година, во ресторанот “Флоар“ со присуство на околу 100 свои граѓани, Oпштина Боговиње успешно ја одржа сесијата на првиот Форум во заедницата, форуми кои се организираат во рамки на проектот “Зајакнување на општинските совети – Фаза 2″, финансиран од Швајцарската Амбасада и Министерството за локална самоуправа и кофинансиран од УНДП и со цел да се вклучат граѓаните во процесот на одлучување на општинско ниво.

На оваа трибина имаше активни учесници од различни профили, населени места и институции, сите дадоа свој придонес и да ги искажат различните проблеми со кои се среќаваат како граѓани на Општина Боговиње.

Инфраструктурата беше избрана како приоритетна тема на овој форум, а во рамките на истата граѓаните ќе работат на генерирање идеи и креирање конкретни проекти кои ќе бидат финансирани од проектот и кофинансирани од општината. Вкупната проценета вредност за проекти достигнува и до 40.000 долари, со кои ќе се финансираат проектите што ќе бидат избрани на овие форуми од граѓаните.

Градоначалникот на Општина Боговиње им се заблагодари на сите за учеството и придонесот.

На 24.01.2023 година, градоначалникот Бесник Емшиу го потпиша договорот со Агенцијата за финансиска поддршка во земјоделството и руралниот развој за проектот за отворање на патот до земјоделските површини во Општина Боговиње во износ од 1 милион денари.

Овој проект ќе го олесни движењето и работата на жителите не само на Општина Боговиње, туку и на другите рурални општини во Полог.

Градоначалникот на Општина Боговиње Бесник Емшиу денеска го посети објектот на противпожарната единица, кој е во тек на изградба во Градец. Овој објект ќе биде противпожарна станица во рамки на заедничкиот ИПА проект со Општина Врапчиште.

За време на посетата градоначалникот беше информиран за досегашните работи како и за оние што ќе бидат извршени во наредните денови.