Вести и објави

По проектот за инсталација на парно греење во основното училиште „Сабедин Бајрами“ во Горно Седларце, продолжуваат работите за уредување на дворот на истиот. Главниот приоритет на Општина Боговиње е подобрување на училишната инфраструктура, со цел на учениците да им се овозможат подобри услови за време на образовниот процес.

Исто така, продолжуваат работите за адаптација на градинката, кои стигнаа до завршна фаза. Преку проектот за адаптација на градинката, Општина Боговиње ќе им овозможи на децата да имаат посовремена нега, квалитетни услови и безбедно опкружување.

Општина Боговиње е опремена со нов камион, коj ќе се искористува за општински услуги од јавното претпријатие „Шари“.

Камионот е обезбеден преку Проектот за подобрување на општинските услуги (МСИП 2) што го спроведува Министерството за финансии со поддршка од Светската банка.

Општина Боговиње ќе се труди да ги подобри условите за граѓаните во сите области, а еколошки здравото и чисто опкружување е предуслов за подобрување на квалитетот на животот и економскиот развој на општината.

Јавното претпријатие „Македонија пат“ во соработка со Општина Боговиње, започна со асфалтирање на патот 402 во Боговиње.

Акцијата за чистење и проширување на патот до нивите во Палчиште продолжува.

Општина Боговиње постојано работи на подобрување на квалитетот на услугите до граѓаните на оваа Општина, овозможувајќи им да можат поефикасно да се движат по улиците на населените места и чиста животна средина.

На 03.04.2020 година, Општина Боговиње започна со дистрибуција на хуманитарна помош (пакети со храна) донирана од Добротворната Асоцијација „Сирачиња на Балканот“, при што првично ги избра најпотребните семејства за основни производи.

Градоначалникот на Општина Боговиње изразува благодарност до Добротворната асоцијација и сите нејзини донатори.

Со оглед на тоа што вирусот COVID – 19 претставува поголем ризик за стари лица, Општина Боговиње презеде мерки на претпазливост да не ги изложува на овој ризик.

Општината формираше мобилен тим кој ќе им биде достапен на сите постари лица над 60 години, кои се во лоша здравствена состојба. Тие ќе можат да се јават на 071329604 во случај на различни потреби, вклучително и храна и лекови.

На 10.03.2020 година, градоначалникот на Општина Боговиње одржа состанок со претставниците на УНДП, каде главна тема беше објавувањето на повикот за избор на домаќинства кои ќе бидат поддржани за воведување мерки за енергетска ефикасност.

Целите на повикот ќе бидат мерките за енергетска ефикасност кои ќе дадат поповолни резултати во однос на економските, енергетските и еколошките критериуми, а со тоа ќе се намали загадувањето на воздухот.

Општина Боговиње продолжува со работа во населените места, со цел подобрување на животните услови на граѓаните на оваа Општина.

Тимот на ЈКП „Шарри“ во текот на овие денови интервенираше во патот Пирок – Раковец, во населеното место Боговиње, исто така и во поставувањето на апаратот за хлорирање на резервоарот на водата во Камењане.

Продолжува изградбата за адаптација на градинката во Општина Боговиње, во населеното место Камењане.

Овој проект е финансиран од Министерството за труд и социјална политика со вредност 11.000.000,00 денари.

Општина Боговиње, откако набави два багери кои сега се користат за потребите на јавното претпријатие „Шарри“, значително го подобрува квалитетот на услугите до граѓаните.

Екипи на ЈП „Шарри“ деновиве ја санираат водоводната линија во Палчиште. Како дел од овој проект, се санира оштетената водоводна линија во Палчиште, односно се инсталираат нови цевки со должина од 70 метри.

Проектот предвидува и изградба на нов резервоар што ќе собере вода од повеќе извори, со што ќе се зголеми капацитетот на водоснабдувањето и ќе се санира постојниот резервоар за вода.