Lajmet dhe njoftimet

Më 06.09.2022, në hapësirat e Komunës së Bogovinës u realizua aktiviteti i rradhës së projektit “Rritja e ndërgjegjësimit të popullatës në zonat rurale për përfitimet nga imunizimi”. Ky projekt realizohet nga Shoqata për zhvillim të qëndrueshëm – BIOM, ndërsa Komuna e Bogovinës shprehu gatishmëri për bashkëpunim, me qëllim që edhe banorët e kësaj Komune të informohen dhe të kuptojnë rëndësinë e madhe që ka imunizimi i rregullt, me theks të veçantë gjatë pandemisë Covid 19.

Komuna do të vazhdojë të jetë gjithmonë në dispozicion të qytetarëve, duke iu ofruar atyre shërbimet e duhura në pikat sa më të afërta të tyre.

Falënderojmë donatorët dhe Shoqatën BIOM për realizimin e këtij projekti edukativ.

Me rastin e fillimit të vitit të ri shkollor, kryetari i Komunës së Bogovinës vizitoi disa shkolla për të parë nga afër fillimin e mësimit për nxënësit.

Duke ju dëshiruar shëndet e sukses në rrugën e dijes, kryetari inkurajoi mësimdhënësit dhe drejtuesit e shkollave që të vazhdojnë me të njejtin ritëm të mësojnë gjeneratat e reja të cilat janë dhe ardhmëria e vendit tonë.

Ndërsa neve si komunë na mbetet që të kujdesemi për infrastrukturën shkollore dhe të sigurojmë kushte sa më moderne për nxënësit, me një intenzitet akoma më të madh se sa kemi punuar deri më tani.

Kryetari i Këshillit rinor lokal pranë Komunës së Bogovinës, z. Diturim Xheladini priti në takim përfaqësuesen e fondacionit gjerman FRIEDRICH EBERT STIFTUNG, znj. Nita Starova për të parë mundësinë e bashkëpunimit në fusha të ndryshme që kanë të bëjnë me rininë, problemet dhe zgjidhjen e atyre problemeve në Komunën e Bogovinës.

Meqenëse ne si komunë kemi nevojë për avancim dhe përfshirje të të rinjëve në aspektin e aktivizmit qytetar, në vazhdim na u dha mbështetje maksimale nga fondacioni gjerman për të realizuar trajnime dhe aktivitete nën koordinim me strategjinë tonë 2020-2025 për të rinjtë në komunën tonë.

Të rinjtë janë motori i shoqërisë sonë andaj jemi të përkushtuar që të punojmë në këtë drejtim – fuqizimi dhe mbështetje e të rinjëve – orientim dhe të përkushtuar drejt tregut të punës.

Në Komunën e Bogovinës, në vendbanimin Kamjan sot u bë hapja solemne e çerdhes komunale “Jeta”, ku të pranishëm ishin ministrja për punë dhe politikë sociale, znj. Jovana Trencevska, ministri i mjedisit jetësor dhe planifikimit hapësinor, z. Naser Nuredini, specialistja për arsim, znj. Bojana Naceva, sekretari shtetëror, z. Resmi Ejupi dhe drejtoresha e çerdhes, znj. Afërdita Imeri.

Për mua si kryetar ishte e një rëndësie tejet të madhe që së bashku sot, me një numër të madh miqësh e bashkëpunëtorësh, bëmë hapjen solemne të çerdhes komunale në Kamjan. Jam shumë mirënjohës dhe falenderues për përkrahjen që është bërë si nga Ministria për punë dhe politikë sociale, poashtu edhe nga Banka Botërore.

Ngadalë, por me hapa të sigurtë ne si udhëheqësi komunale me këto projekte dëshmojmë se jemi në shërbim të qytetarëve, ndëgjojmë zërin e tyre dhe realizojmë projekte si ky, që kanë për qëllim inkluzivitetin social.

Nxënësit në shkollën fillore “Sabedin Bajrami” të fshatit Kamjan nga muaji shtator do të mësojnë në kushte më të mira, sepse po punojmë në rekonstrumin e objektit aktual.

Investimi bëhet në bashkëpunim me Ministrinë për Arsim dhe Shkencë dhe përfshin rekonstruimin e pamjes së jashtme, sanitarinë, renovim të kulmit, termoizolim dhe vendosje të pjesëve ndihmëse për persona me aftësi të kufizuar.

Projekte të ngjajshme nuk do të ndalojnë pasiqë do të vazhdojmë të punojmë dhe ofrojmë kushte më të mira për të gjithë nxënësit e Komunës së Bogovinës.

Në kuadër të projektit ”Fireshield”, financuar nga Bashkimi Europian, IPA Crossborder programme, Caritasi i Shqipërisë së Jugut, ka siguruar një makinë, e cila do të shërbejë për realizimin e fushatave ndërgjegjësuese në zonat rurale me në fokus parandalimin dhe mbrojtjen ndaj zjarreve dhe të aktiviteteve të tjera të parashikuar në projekt.

Më 04.07.2022, kryetari i Komunës së Bogovinës ishte prezent në hapjen solemne të Ujëvarave të Kamjanit, event i organizuar nga shoqata “Eco Kamjan”. Në këtë event ishte prezent presidenti z. Stevo Pendarovski, ministrin z. Naser Nuredini, drejtori z. Ibrahim Dehari dhe  kryetari i BL të fshatit Kamjan z. Mahir Rexhepi.

Kryetari Emshiu tha se vlerëson angazhimin e të gjithëve në rregullimin e shtegut për këmbësorë dhe lokacionet në 8 ujëvarat e fshatit Kamjan si një pasuri natyrore që tërheqin me të madhe kohës së fundit turist nga mbarë vendi dhe më gjerë.

Komuna e Bogovinës do të jetë gjithnjë e gatshme që të përkrahë dhe investojë në iniciativa të tilla të cilat kanë të bëjnë me kultivimin dhe kujdesin ndaj natyrës si dhe mundësinë që banorët e komunës por edhe mbarë qytetarët tjerë të shijojnë bukuritë natyrore të malit Sharr.

Më 01.07.2022,  kryetari i Komunës së Bogovinës, Besnik Emshiu, priti në takim përfaqësues të lartë të Bankës Botërore: Varalakshmi Vemuru-menaxher praktik për Qëndrueshmërinë dhe përfshirjen sociale për Evropën dhe Azinë Qendrore, Roxanne Hakim-koordinatore e Ballkanit Perëndimor për Qëndrueshmërinë sociale dhe përfshirjen dhe Bekim Ymeri- specialist i lartë për Zhvillim social, zyra në Maqedoninë e Veriut.

Në këtë takim u bisedua për përfshirjen sociale dhe përmirësimin e shërbimeve sociale në Komunën e Bogovinës si dhe mundësitë e investimeve në infrastrukturën rrugore dhe shkollore.

Njëkohësisht, kryetari Emshiu falenderoi përfaqësuesit e Bankës Botërore për investimet e shumta që janë bërë në Komunën e Bogovinës nga ana e Bankës Botërore.

Pas takimit, është bërë edhe vizitë në çerdhen komunale, një investim i përkrahur financiarisht nga Banka Botërore, ku patën mundësinë të shofin hapësirat e çerdhes të cilat edhe së shpejti do të jenë në funksion dhe do të shfrytëzohen nga ana e fëmijëve.

Dje, Këshilli Rinor Lokal pranë Komunës së Bogovinës realizoi punëtori në fshatin Bogovinë në vendin e quajtur “Qendra rekreative sportive” në kuadër të projektit “Iniciativa Lokale” bashkë me fëmijë të shkollave fillore të Komunës sonë, ku patëm për qëllim të mësojmë rreth reciklimit, dobitë e malit, natyrës dhe gjithë gjelbërimit. 

Bashkë me fëmijët theksuam se ne dimë për reciklimin dhe punojmë në atë drejtim kështu që krijuam disa figura e objekte me plastikë e letër recikluese. 

Këshilli Rinor Lokal punon dhe do vazhdojë të kontribuojë me fëmijët si dhe në mbrojtje të natyrës me të gjitha format e mekanizmat, por në fillim me edukimim e së ardhmes që janë FËMIJËT.

Falenderim për të gjithë pjesëmarrësit, gjëra të bukura po vijnë.

Me datë 30.06.2022, në hapësirat e Komunës së Bogovinës u mbajt seanca e Këshillit për zhvillim planor të rajonit të Pollogut nga QZHRPP.

Në këtë seancë u diskutua për fazën e dytë të projektit “Plani Rajonal për menaxhim të mbetjeve të ngurta”.