Sot, kryetari i Komunës së Bogovinës bashkë me ministrin e Mjedisit Jetësor dhe Planifikimit Hapësinor z. Naser Nuredini, ambasadoren e Zvicrës znj. Veronik Ullman, përfaqësuesin e përhershëm të UNDP-së z. Armen Grigorjan u bashkuan në aksionin për mbjelljen e fidanëve në Bogovinë.
Përmes këtij aksion, kemi për qëllim të ngrisim vetëdijen dhe të zhvillojmë shprehitë pozitive tek nxënësit dhe moshat e reja sepse ruajtja e mjedisit është vlerë.
Në këtë aksion të përfshira ishin shkollat “Sami Frashëri” nga fshati Pirok, “Abdyl Frashëri” nga fshati Bogovinë, “Sabedin Bajrami” nga fshati Kamjan, “Dervish Cara” nga Pallçishti i Poshtëm dhe “Liria” nga fshati Zherovjan.
Kujtojmë se aksioni është në kuadër të projektit për përmirësimin e rezistencës ndaj përmbytjeve në rajonin e Pollogut.
Këshilli rinor i Komunës së Bogovinës në bashkëpunim me fondacionin gjerman Friedrich-Ebert-Stiftung Skopje realizon trajnim dy ditor më datë 26 dhe 27 Nëntor 2022 (dita e shtunë dhe e diel) edhe atë për:
-Lidership
-Komunikimi publik
-Si të shkruajmë CV?
-Si të shkruajmë letër motivuese?
-Intervistë për punë
*Trajnimi do të realizohet në zyrat e Këshillit Rinor në fshatin Pallçisht.
*Numri është i kufizuar.
Për detaje tjera rreth agjendës dhe mbarëvajtjes së trajnimit do të kontaktoheni nëpërmjet emailit që do e shënoni më poshtë (do të komunikohen vetëm ata që do të pranohen).
Info:
E-mail: youthcouncilbogovinje@gmail.com
Tel: +38970543276
Kryetari i Komunës së Bogovinës bashkë me ministrin e arsimit dhe shkencës, z. Jeton Shaqiri inspektuan nga afër punimet që janë kryer për rikonstruim në SH.F.K. “Sabedin Bajrami”, në fshatin Kamjan, si pjesë e shkollave në të cilat Ministria e arsimit dhe shkencës do të sigurojë përmirësimin e infrastrukturës për një cilësi më të mirë të procesit arsimor.
Sipas projektit që mbështetet nga Banka Europiane për rindërtim dhe zhvillim, në shkollën fillore “Sabedin Bajrami” është planifikuar rregullimi i fasadës, ambienteve sanitare, termoizolimi i çatisë dhe vendosja e rampës për lëvizje të personave me aftësi të kufizuara.
Më 17 Tetor 2022, në kuadër të muajit të ndërgjegjësimit kundër kancerit të gjirit nën moton “SË BASHKU MUNDEMI”, u realizua me sukses panel diskutimi organizuar nga Këshilli rinor i Komunës së Bogovinës me mbështetje nga Komuna e Bogovinës me panelistë:– Prof. Dr Nevzat Elezi – Dekan pranë FSHM-së në UT,– Dr. Vjollca Skenderi Neziri – Onkologe në Spitalin klinik të Tetovës,– Dr. Argjend Imeri – Radiolog në Spitalin klinik të Tetovës,– Dr. Fatmir Saliu – Kirurg në Spitalin klinik të Tetovës.
Sot, filluan punimet për realizimin e projektit për ndërtimin e ujësjellësit në fshatin Pallçisht të Poshtëm. Ky projekt pritet të realizohet në afat kohor prej 9 muajve, varësisht nga kushtet atmosferike dhe kap shumën në vlerë prej 277.000,00 euro.
Falënderimi në këtë rast shkon tek banorët e Pallçishtit të Poshtëm për durimin deri te fillimi i punimeve, administrata komunale si dhe tek pushteti qendror në krye me Ministrinë për transport dhe lidhje për gjithë angazhimin për fillimin e punimeve.
Më 30.09.2022, kryetari i Komunës së Bogovinës ka nënshkruar marrëveshje për dy projekte me drejtorin e Byrosë për zhvillim rajonal z. Ramiz Rexhepin, të cilat pritet të realizohen në fshatin Novo Sellë.
Bëhet fjalë për rekonstruim të dy rrugëve lokale edhe atë: projekt për rekonstruim të rrugës lokale në Novo Sellë në vlerë prej 7.000.000 denarë dhe projekt për rekonstruim të një rruge tjetër lokale, poashtu në Novo Sellë në vlerë prej 3.422.866 denarë.
Komuna e Bogovinës do të vazhdojë me përmirësimin e kushteve për jetesë në secilin vendbanim.
Më 29.09.2022, në ambientet e Komunës së Bogovinës nën mikëpritjen e kryetarit z. Besnik Emshiu si dhe kryetarit të Këshillit rinor lokal pranë Komunës së Bogovinës z. Diturim Xheladini, u realizua takim me kryetarin e degës së Forumit Rinor Islam – dega në Tetovë z. Mevlan Abazi si dhe anëtarin e kryesisë z. Ismet Tairi, me çka u diskutua për realizimin e projektit EUREKA me shkollarë fillorë në komunën tonë.
Realizimi i trajnimeve për shkollarët filloristë do të realizohet në gjithë vitin akademik 2022-2023 me tema të përzgjedhura në nivel të fëmijëve si dhe me trajnues të zgjedhur, nga disa tema që janë në interes të fëmijëve mund ti përmendim disa: të jetuarit shëndetshëm, eko-jeta, si të kontribuojmë në shoqëri, jeta me rrjetet sociale (anët pozitive dhe negative të rrjeteve sociale), etj.
Përgjegjës dhe bartës drejt realizimit të aktiviteteve do të jetë Këshilli rinor lokal pranë Komunës së Bogovinës.
Sot, kryetari i Komunës së Bogovinës bashkë me ministrat Naser Nuredini, Blagoj Bochvarski dhe zëvendës ministrin Bekim Rexhepi ishin për vizitë në fshatin Kamjan për të parë nga afër punimet që janë bërë në rekonstruimin e rrjetit të ujësjellësit.
Projekti i përfunduar do të përmirësojë kushtet e jetës për banorët e fshatit Kamjan, derisa vlera e punimeve është 214 mijë euro pa TVSH.
Gjatë kësaj është diskutuar edhe për projektin që parashihet rekonstruimi i tubacionit të furnizimit për ujësjellës në fshatin Pallçisht i Poshtëm, që kap vlerën prej 266 mijë euro. Punimet pritet të fillojnë së shpejti pas nënshkrimit të kontratës për mbikqyrje.
Z. Besnik Emshiu mirëpriti në takim zëvendës ministrin në Ministrinë për sistem politik dhe marrëdhënie ndërmjet bashkësive, z. Cabir Doko.
Në takim diskutuan për të gjitha aktivitetet që po bëhen në Komunë dhe projektet në terren, ndërkohë që biseduam edhe për masat që Komuna e Bogovinës ka ndërmarrë për kursimin e energjisë elektrike në bazë të rekomandimeve qeveritare.
Bashkë vizituan shkollat fillore në fshatrat Zherovjan, Rakovec, Pallçisht të Poshtëm, Novosellë, Sellcë e Keqe, Urviç dhe Novakë ku shpërndanë çanta dhe mjete tjera shkollore për nxënësit e klasave të para, donacion këto nga kryetari i Komunës së Stambollit.
Kryetari e falënderoi zëvendës ministrin Cabir Doko si dhe përcolli falënderime e mirënjohje edhe për kryetarin e Komunës së Stambollit, Ekrem İmamoğlu.
