Më 24.01.2023, kryetari Besnik Emshiu nënshkruajti marrëveshjen me Agjencinë për përkrahje financiare në bujqësi dhe zhvillim rural për projektin e hapjes së rrugës drejt tokave bujqësore në Komunën e Bogovinës në vlerë prej 1 milionë denarë.
Ky projekt do të lehtësojë lëvizjen dhe punën e banorëve jo vetëm të Komunës së Bogovinës, por edhe komunave tjera rurale në Pollog.
Sot, kryetari i Komunës së Bogovinës Besnik Emshiu vizitoi objektin e zjarrfikësve, i cili është në ndërtim e sipër në vendbanimin Gradec. Ky objekt do të jetë stacion zjarrfikës si pjesë e projektit të përbashkët IPA me Komunën e Vrapçishtit.
Gjatë vizitës, kryetari u njoftua për së afërmi me punët e bëra deri më tani si dhe me ato që do të kryhen në ditët në vijim.
