Më 28.04.2023, kryetari i Komunës së Bogovinës ishte prezent në evenimentin e organizuar në hotel “NB” me rastin e nënshkrimit të Marrëveshjes me kryetarët e Pollogut për formimin e Njësisë për menaxhimin e ujërave dhe rreziqeve nga përmbytjet në rajonin planor të Pollogut.
Poashtu, në këtë eveniment u hapën edhe diskutime të ndryshme në lidhje me hapat e ardhshëm në zbatimin e aktiviteteve për Njësinë e përbashkët në kuadër të projektit “Përmirësimi i rezistencës ndaj përmbytjeve në Rajonin e Pollogut” financuar nga Ambasada e Zvicrës dhe implememtuar nga UNDP-ja.
