Projekti “Ndërtimi i kanalizimit fekal në vendbanimet Bogovinë dhe Kamjan të Komunës së Bogovinës”, pas përpjekjeve disa vjeçare është shqyrtuar dhe miratuar sot, nga Qeveria e Republikës së Maqedonisë së Veriut.
Vlen të theksohet se vlera totale e projektit është 273,133,500.00 denarë. Një total prej 78,454,500.00 denarëve është siguruar për vitin 2021, ndërsa pjesa tjetër do të sigurohet për dy vitet e ardhshme.
Sot, Komuna e Bogovinës realizoi takim me përfaqësuesit e agjencionit gjerman për bashkëpunim ndërkombëtarë GIZ, në lidhje me projektin që do të implementohet në rajonin e Pollogut, kryesisht në Komunën e Bogovinës.
Projekti në fjalë ka të bëjë konkretisht me ndihmën financiare që do t’ju ofrohet bizneseve të vogla të cilët kanë potencial për t’u rritur, bizneseve start-up të fokusuara në inovacion dhe bizneseve të ekonomisë së gjelbërt. Gjithashtu duhet theksuar se ky projekt do të ndahet në dy faza edhe atë: faza e parë do të jetë ndihma financiare logjistike për biznes plane, ndërkaq faza e dytë do të jetë ndihma financiare për bizneset që operojnë në Komunën e Bogovinës.
Sot, në Komunën e Bogovinës ishte në vizitë zëvendës ambasadori i ambasadës së Gjermanisë në Shkup. Gjatë vizitës u diskutua dhe u nënshkrua kontratë për donacionin e një makinerie nga ambasada e Gjermanisë për Komunën e Bogovinës.
