Në bazë të programit për arsim, kryetari i Komunës së Bogovinës sot ndau mirënjohje për nxënësit e shkollave fillore pjesëmarrës në gara në lëndën e historisë.
Gjithashtu, kryetari ndau mirënjohje edhe për arsimtarët e lëndës së historisë, për punën e tyre të palodhshme për rezultatet e arritura të nxënësve, duke iu uruar suksese në vazhdimësi gjatë procesit edukativo-arsimor.
Më 12.11.2019, në Komunën e Bogovinës bëhet inaugurimi i asfaltimit të rrugës prej Swiss Center – Bogovinë deri në Sellarcë të Epërme. Projekti është mbështetur nga Agjencioni për përkrahje financiare në bujqësi dhe zhvillim rural dhe ka vlerë prej 11.228.040,00 denarë.
Z. Albon Xhemaili tha që në thirrjet e publikuara nga ana e Agjencionit për përkrahje financiare për bujqësi dhe zhvillim rural, Komuna e Bogovinës ka konkurruar me tri projekte të cilat i ka fituar dhe që të gjitha kanë të bëjnë me plane urbanistike, me qëllim të ngritjes së nivelit të infrastrukturës rrugore.
Në fund, kryetari i falënderoi të gjithë për prezencën e tyre.
Më 06.11.2019, në Komunën e Bogovinës është vendosur gurthemeli i Shtëpisë së Kulturës në vendbanimin Kamjan. Në aktin solemn ishin të pranishëm kryetari i Komunës së Bogovinës z. Albon Xhemaili, ministri i Kulturës z. Hysni Ismaili dhe kryetari i partisë Alternativa z. Afrim Gashi.
“Themelimi dhe vënia në funksion e sa më shumë institucioneve do të thotë një decentralizim sa më i mirëfillt, më i pavarur dhe një mundësi e të shprehurit të artistëve që jetojnë dhe veprojnë në këtë Komunë” tha kryetari i Komunës dhe më pas i falënderoi të gjithë të pranishmit për prezencën e tyre.
Ndërtimi i objektit është mbështetur nga Ministria e Kulturës dhe janë siguruar mjete financiare në vlerë prej 25 milionë denarë për fazën e parë dhe do të vazhdohet me ndarjen e buxhetit edhe për fazat në vijim deri në finalizim të këtij projekti.
