Lajmet dhe njoftimet

Komuna e Bogovinës i bashkohet fushatës “Komuna në pëllëmbë të dorës“.

Kemi kënaqësinë të njoftojmë mbështetjen tonë për fushatën “Komuna në pëllëmbë të dorës”, një nismë që synon të rrisë transparencën dhe llogaridhënien në qeverisjen lokale përmes përdorimit të përmirësuar të faqeve të internetit të komunave.

Fushata u përgatit nga Projekti i USAID-it për Përforcimin e kapaciteteve për shfrytëzim të resurseve, në bashkëpunim me Ministrinë e Pushtetit Lokal. Komuna jonë bashkëpunon në mënyrë aktive me këtë projekt me qëllim për të:

• Përmirësuar menaxhimin e financave publike komunale;
• Planifikim dhe realizim më efikas i buxhetit;
• Rritjen e transparencës dhe llogaridhënies fiskale;
• Përmirësimin e mbledhjes së të hyrave nga burimet vetanake;
• qasje më i madh në burimet e jashtme të financimit;
• Krijimin e kushteve për përfshirjen e sektorit privat

Qëllimi i fushatës “Komuna në pëllëmbë të dorës” është informimi i qytetarëve dhe bizneseve për të drejtat dhe detyrimet e tyre, si dhe për t’u siguruar atyre qasje më të lehtë në shërbimet komunale.

Në kuadër të fushatës, ne do të përditësojmë rregullisht kanalet tona të komunikimit me informacione të reja nën juridiksionin e komunës, të cilat do të inkurajojnë qytetarët të marrin pjesë në proceset vendimmarrëse dhe të informohen në mënyrë aktive për funksionimin e komunës.

Ftojmë të gjithë qytetarët dhe palët e interesuara që t’i bashkohen kësaj nisme dhe të mbështesin fushatën, e cila do të rrisë transparencën dhe llogaridhënien në vetëqeverisjen lokale.

Përfshihuni në krijimin e një komune transparente

Mëso më shumë për:

Komuna në pëllëmbë të dorës (al)

• • Video https://www.youtube.com/watch?v=pCpJ0y5R4YA

USAID – Fletë informative “Tatimi im, për komunën time”

Më 12.01.2024, në restorant “Floar” në prani të qytetarëve Komuna e Bogovinës realizoi me sukses sesionin e Forumit të pestë në bashkësi, forume të cilat organizohen në kuadër të projektit “Fuqizimi i këshillave komunal – Faza 2”, të financuar nga Ambasada Zvicerane dhe Ministria për vetëqeverisje lokale dhe të kofinancuar nga UNDP dhe kanë për qëllim përfshirjen e qytetarëve në procesin e vendimmarrjes në nivel komunal.

Në sesionin e pestë të forumit u bë prezantimi i projektit prioritar, gjegjësisht u dhanë informacione lidhur me implementimin e projektit “Rregullimi i shtratit të lumit në vendbanimin Pirok” i cili u realizua në kuadër të projektit “Fuqizimi i këshillave komunal – Faza 2”.

Kryetari i Komunës së Bogovinës, Besnik Emshiu falënderoi të gjithë për pjesëmarrjen e tyre të rëndësishme për implementim të suksesshëm të forumeve si dhe për kontributin e dhënë gjatë propozimeve të projekteve të shumta, të cilat janë shumë të nevojshme që të realizohen në Komunën e Bogovinës. Të gjitha këto do t’i shërbejnë Komunës në planifikimin e aktiviteteve dhe zhvillimin e projekteve të ardhshme.

#FuqizimiIKëshillaveKomunal #QytetarëtNëVendTëParë #CHinMK #SDGs

Komuna e Bogovinës realizoi me sukses aktivitetin “Ligjeratë edukative – informuese për pasojat nga dhuna në familje” në shkollat fillore komunale “Abdyl Frashëri”- Bogovinë, “Sabedin Bajrami” – Kamjan, “Dervish Cara” – Pallçisht i Poshtëm dhe “Dervish Cara” – Kallnik.

Ky aktivitet u realizua në bazë të Programit për mundësi të barabarta të burrave dhe grave për vitin 2023 të Komunës së Bogovinës.

Realizues të aktivitetit janë kryetarja e Komisionit për mundësi të barabarta Mirjeta Sinani dhe psikologet Shpresa Qamili dhe Edona Aliti.

Kryetari i Komunës së Bogovinës, z. Besnik Emshiu ishte në takim pune me zëvendës ministrin e transportit dhe lidhjeve, z. Bekim Rexhepi me të cilin biseduan mbi rekonstruimin e rrugës lokale nga Bogovina drejt Novosellës dhe Urviçit si dhe ndërtimin e rrugës nga Bogovina në drejtim të Sedllarcës.

Projekti i parë është me financim të Qeverisë, derisa projekti tjetër financohet nga Banka Botërore, e me këtë rast Komuna shfrytëzon mundësinë për t’i falenderuar për bashkëpunimin.

Komuna e Bogovinës realizoi me sukses aktivitetin “Ligjeratë edukative për ngritjen e vetëdijes së nxënësve për bullizmin” në shkollat fillore komunale “Abdyl Frashëri”- Bogovinë, “Sabedin Bajrami” – Kamjan, “Dervish Cara” – Pallçisht i Poshtëm dhe “Liria” – Zherovjan.

Ky aktivitet u realizua në bazë të Programit për mundësi të barabarta të burrave dhe grave për vitin 2023 të Komunës së Bogovinës.

Më 21.09.2023, kryetari i Komunës së Bogovinës bashkë me ministrin e Vetëqeverisjes Lokale z. Risto Penov dhe drejtorin e Byrosë për Zhvillim Rajonal z. Ramiz Rexhepi, morën pjesë në inspektimin e punimeve që po bëhen në projektin e ndërtimit të rrugës nga fshati Pallçisht i Poshtëm deri tek autostrada Tetovë – Gostivar, projekt ky që do të lidh vendbanimet e Komunës së Bogovinës me projektin e rëndësishëm Korridori 8.

Komuna falënderon me këtë rast Qeverinë dhe gjithë institucionet të cilat janë përfshirë në finalizimin e këtij projekti infrastrukturor që do të lehtësojë jetën e qytetarëve të mbarë rajonit të Pollogut.

Kryetari i Komunës së Bogovinës priti sot në vizitë zv. Ministrin e arsimit dhe shkencës z. Agim Nuhiu, ku në protokoll ishte mbikqyrja e disa punimeve që janë realizuar në shkollën fillore “Liria”, në f. Zherovjan.

Ata falënderuan për mikpritjen të gjithë nxënësit e shkollës dhe arsimtarët, të cilët ishin të kënaqur nga kushtet të cilat i ka ofruar Ministria e arsimit dhe shkencës në bashkëpunim me Komunën e Bogovinës.