Lajmet dhe njoftimet

Punimet për ujësjellësin e vendbanimit Pirok kanë përfunduar dhe uji është lëshuar në përdorim. Tashmë qytetarët e këtij vendbanimi do të jenë të furnizuar me ujë për pije, madje është kaptuar sasi më e madhe e ujit seç është planifikuar përmes punimeve shtesë.

Në ceremoninë e inaugurimit të ujësjellësit mori pjesë vetë kryetari i Komunës së Bogovinës, Albon Xhemaili, ministri i Mjedisit Jetësor dhe Planifikimit Hapësinor, Naser Nuredini i cili ka dhënë poashtu kontribut për këtë projekt dhe disa mediume.

Duke parë gjendjen e tualeteve në shkollën fillore të vendbanimit Rakovec, filluan punimet në rregullimin e tyre. Punimet do të vazhdojnë deri në finalizimin e tyre. Gjithashtu edhe në shkollën fillore të vendbanimit Bogovinë u bë investimi për rregullimin e oborrit të shkollës dhe të tualeteve. 

Shkollat janë të parat që duhet shikuar për të plotësuar kushtet e nevojshme dhe elementare pasi aty edukohen dhe arsimohen fëmijët tanë.

Ashtu siç ka siguruar makineri të tjera, Komuna e Bogovinës edhe sot arriti të sigurojë edhe një makinë për pastrimin dhe mirëmbajtjen e rrugëve e cila do të përmirësojë cilësinë e shërbimeve komunale të ofruara nga NPK Sharri duke mundësuar kështu menaxhim më efikas në mirëmbajtjen e vazhdueshme të pastërtisë publike.

Makina në fjalë është siguruar përmes projektit për përmirësimin e shërbimeve komunale që është zbatuar nga Ministria e financave dhe është mbështetur nga Banka Botërore.

Më 30.10.2020, Komuna e Bogovinës filloi punimet për ujësjellësin e vendbanimit Pirok.

Ky projekt financohet nga Komuna e Bogovinës dhe ka vlerë totale prej 5.690.459,00 denarëve dhe kofinancohet nga Ministria e mjedisit jetësor dhe planifikimit hapësinor me 2.450.000,00 denarë.

Projekte të tilla do të vazhdojnë, me qëllim të përmirësimit të kualitetit të jetës së qytetarëve.