Lajmet dhe njoftimet

Komuna e Bogovinës pas furnizimit me dy eskavatorë që shfrytëzohen tani më për nevojat e ndërmarrjes publike “Sharri”, dukshëm po përmirëson cilësinë e shërbimeve ndaj qytetarëve.

Ekipe të NP “Sharri” gjatë këtyre ditëve janë duke e riparuar linjën e ujësjellësit në fshatin Pallçisht. Në kuadër të këtij projekt riparohet linja e dëmtuar e ujësjellësit në vendbanimin Pallçisht, respektivisht vendosen tubacione të reja me gjatësi prej 70 metrash.

Gjithashtu, projekti parasheh edhe ndërtimin e kaptazhit të ri ku do të grumbullohen ujëra nga më shumë burime, me çka do të rritet edhe kapaciteti i ujësjellësit, ndërsa riparohet edhe rezervuari ekzistues i ujit.

Në Komunën e Bogovinës sot u bë hapja e zyrës për punë sociale, në kuadër të Ministrisë për punë dhe politikë sociale.

Kjo zyrë do të ofrojë informacione dhe shërbime në aspektin social, si dhe do të mundësohet kujdes për të gjithë kategoritë sociale, duke përmirësuar apo lehtësuar jetën e qytetarëve të Komunës së Bogovinës.

Komuna e Bogovinës është furnizuar me dy eskavatorë që do të shfrytëzohen për nevojat e ndërmarrjes publike “Sharri”.

Me këtë investim, Komuna e Bogovinës dukshëm do të përmirësojë cilësinë e shërbimeve ndaj qytetarëve.

Sot, në hapësirat e Ministrisë së Financave ishte prezent kryetari i Komunës së Bogovinës gjatë nënshkrimit zyrtar për dorëzimin e dokumentacionit teknik për ndërtimin e rrugëve lokale.

Ky dokumentacion është përgatitur nga Projekti për përmirësimin e shërbimeve komunale (MSIP) dhe financohet nga Banka ndërkombëtare për rindërtim dhe zhvillim (Banka Botërore).