Duke pasur parasysh që virusi COVID – 19 paraqet rrezik më të madh për të moshuarit, Komuna e Bogovinës ka ndërmarrur masa paraprake për mos ekspozimin e tyre ndaj këtij rreziku.
Komuna ka formuar ekip mobil që do të jetë në dispozicion për të gjithë të moshuarit mbi 60 vjeç, të cilët janë me gjendje të përkeqësuar shëndetësore. Ata do të mund të lajmërohen në numrin telefonik: 071329604, në rast të nevojave të ndryshme, përfshirë këtu edhe nevojat për ushqime dhe barëra.
Më 10.03.2020, kryetari i Komunës së Bogovinës realizoi takim me përfaqësuesit e UNDP-së, ku si temë themelore ishte shpallja e thirrjes për subvencionim të amvisërive që do të mbështeten për prezantimin e masave për efikasitet energjetik.
Qëllimet e thirrjes do të jenë masat për efikasitet energjetik që do të japin rezultate më të favorshme për sa i përket kritereve ekonomike, energjetike dhe ekologjike dhe në këtë mënyrë në plan afatgjatë pritet të zvogëlohet ndotja e ajrit.
