Në hapësirat e Komunës së Bogovinës, sot kryetari z. Besnik Emshiu zhvilloi takim pune me zv. ministrin e Transportit dhe Lidhjeve, z. Bekim Rexhepi.
Në takim u diskutua për projektin e ujësjellësit në vendbanimin Pallçisht, projekt i cili është aprovuar nga Banka Europiane e Investimeve nëpërmjet Ministrisë së Transportit dhe Lidhjeve.
Vlera e përgjithshme e projektit të ujësjellësit të vendbanimit Pallçisht është 19.002.667,00 denarë.
Bashkëpunimet e tilla të qëndrueshme janë të nevojshme për të përmirësuar cilësinë e menaxhimit të komunave, si dhe të rëndësishme për mirëqenien e të gjithë qytetarëve.
Komuna e Bogovinës furnizohet edhe me një automjet për bartjen e mbeturinave, që do të jetë në dispozicion të ndërmarrjes publike komunale “Sharri” për punë dhe do të ofrojë shërbime më cilësore për qytetarët e Komunës.
Më 17.03.2022, në sallën sportive të SHFK “Sabedin Bajrami” – Kamjan u zhvilluan garat komunale në bashkëpunim me Federatën e sporteve shkollore me nxënësit e klasave të gjashta dhe të shtata.
Në këto aktivitete ishin pjesëmarrës:
1. KSSH “Minir Isaku” – Pirok
2. KSSH “Blerim Xhemaili” – Bogovinë
3. KSSH “Dervish Cara” – Pallçisht
4. KSSH “Sabedin Bajrami” – Kamjan
5. KSSH “Rinia” – Zherovjan.
Vendi i parë: KSSH “Minir Isaku” – Pirok
Vendi i dytë: KSSH “Blerim Xhemaili” – Bogovinë
Vendi i tretë: KSSH “Dervish Cara” – Pallçisht.
Në fund, u ndajtën mirënjohje për pjesëmarrësit si dhe kupa për fituesin.
Falenderojmë Federatën e sporteve shkollore me përfaqësues Bujar Ibrahimi për bashkëpunimin.
Të shtunën, më 05.03.2022 filluan punimet për rregullimin e shtratit të lumit në Bogovinë. Projekti në fjalë është projekt për përmirësimin e rezistencës ndaj vërshimeve në rajonin e Pollogut dhe është i financuar nga UNDP.
Komuna e Bogovinës do të implementojë të gjitha aktivitetet e parapara në kuadër të këtij projekti.
Më 04.03.2022, kryetari i Komunës së Bogovinës nënshkruajti në mënyrë solemne marrëveshjen ndërkufitare “Për mbrojtje nga zjarri” me Komunën e Vrapçishtit, Komunën e Çerrikut nga Shqipëria dhe organizatën joqeveritare “Caritas”, poashtu nga Shqipëria.
Ky projekt kapital i financuar nga fondet e BE-së, ka të bëjë me ndërtimin e një departamenti për mbrojte nga zjarret që do të jetë i përbashkët me Komunën e Vrapçishtit. Kryetari poashtu përshëndeti përfaqësuesit e Komunave dhe njëherit theksoi rëndësinë e këtij projekti në parandalimin dhe detektimin e zjarreve në territorin e Komunës sonë.
