Денес започнаа градежните работи за реконструкција на општинската спортска сала во Жеровјане, значајна инвестиција која повторно ќе го стави овој објект во функција на учениците, спортистите и сите љубители на спортот во Општина Боговиње.
Во рамките на овој проект ќе се изврши замена на вратите и прозорците, реконструкција на седиштата на трибините, поставување на нови фасадни панели, реконструкција на спортскиот под, инсталација на нов електричен систем и санитарни јазли, како и целосно бојадисување и уредување на внатрешните простории.
Оваа инвестиција е уште еден доказ за посветеноста на градоначалникот кон создавање подобри услови за развој на спортот, образованието и рекреативните активности.
Продолжуваат инвестициите во современи и функционални објекти, во служба на граѓаните на Општина Боговиње.
