По интервенциите во Пирок, долж патот Боговиње – Ново Село, во долниот тек на реката, како и акциите за чистење на речното корито во Боговиње, денес Општината интервенира на депонијата над Боговиње, на патот кон Селце.
Овој патен правец, долж текот на реката, со години се претвораше во точка на сериозно загадување, каде беа депонирани различни видови отпад. Денес започна целосното чистење на оваа зона, со цел нејзино повторно претворање во чист, безбеден и корисен простор за граѓаните.
Оваа зона има извонреден потенцијал за создавање зелени површини, кои не само што ќе го подобрат квалитетот на животот, туку и директно ќе придонесат за развојот на локалниот туризам, истовремено заштитувајќи ја природата и водните ресурси.
ВАЖЕН АПЕЛ: Строго се забранува фрлање отпад на овој патен правец и на секоја јавна површина! Секое прекршување ќе биде идентификувано и санкционирано согласно законот.
Ги повикуваме сите граѓани да покажат одговорност и свест за заштита на животната средина. Чистата животна средина е заедничка одговорност – да ја зачуваме заедно за идните генерации!
