Веќе неколку дена, во соработка со Министерството за земјоделство, шумарство и водостопанство и Управата за водостопанство, започна акција за чистење и ставање во функција на каналите за наводнување во Општина Боговиње.
Во овој период, кога потребата од вода е поголема од кога било, наша обврска е да создадеме што подобри услови за земјоделците да имаат лесен и непречен пристап до вода за наводнување. Поддршката на земјоделскиот сектор останува еден од приоритетите на градоначалникот на Општина Боговиње.
Градоначалникот му се заблагодари на заменик-министерот за земјоделство, Албрим Хоџа, за посетата на терен и за конкретната поддршка во реализацијата на оваа акција. Соработката ќе продолжи и со други проекти кои ќе придонесат за развојот на земјоделството и подобрувањето на условите за земјоделците.