На 12.06.2026 година, во салата на Советот на Општина Боговиње се одржа отворена дискусија на тема „Зајакнување на жените во политиката и процесите на донесување одлуки“, во рамки на проектот „Поттикнување промени преку значајни гласови“, поддржан од Амбасадата на Сојузна Република Германија во Република Северна Македонија и реализиран од Институтот за лидерство и јавни политики (ИЛЈП).
Во текот на настанот, учесниците имаа можност да споделат мислења, искуства и предлози во врска со улогата на жената во јавниот живот, предизвиците со кои се соочуваат жените во процесите на донесување одлуки, како и важноста од создавање еднакви можности за активно учество во општеството.
Дискусијата послужи како значајна платформа за дијалог и размена на идеи, поттикнувајќи соработка помеѓу институциите, организациите и граѓаните во насока на унапредување на родовата еднаквост и зајакнување на жените во нашата заедница.
Општина Боговиње поддржува вакви иницијативи кои придонесуваат кон градење на поинклузивно општество, во кое секој граѓанин има еднакви можности да го даде својот придонес во развојот на заедницата.
