Градоначалник

Фети Абази е роден на 25 април 1976 година и е оженет, татко на две деца. Основното образование го завршил во основното училиште „Абдил Фрашери“ во Боговиње, а средното образование во гимназијата „Кирил Пејчиновиќ“ во Тетово. Универзитетските студии ги започнал на Архитектонскиот факултет при Политехничкиот универзитет во Тирана во периодот 1994–1995 година.

Својата професионална кариера ја започнал во приватниот сектор како проектант, каде што од 2001 до 1996 година работел на различни архитектонски и инфраструктурни проекти. Во 1996 година се приклучил на администрацијата на Општина Боговиње како соработник во Секторот за урбанизам, придонесувајќи во урбанистичкото планирање и развој на општината.

Во 2010 година бил назначен за советник и овластен градежен инспектор, позиција во која активно придонесувал во надзорот и спроведувањето на градежните стандарди. Во 2017 година ја презел одговорноста како раководител на Секторот за урбанизам во Општина Боговиње, додека во 2021 година продолжил да работи како овластен градежен инспектор.

Во текот на својата професионална кариера бил вклучен во реализација на бројни значајни проекти, вклучувајќи индивидуални станбени објекти, индустриски и комерцијални објекти, како и инфраструктурни проекти кои придонеле за урбаниот развој и подобрување на инфраструктурата во Општина Боговиње.

Покрај професионалниот ангажман, Фети Абази е активно вклучен и во јавниот живот и процесите на локален развој. Учествувал на бројни семинари, конференции и професионални обуки поврзани со локалната самоуправа и современото урбанистичко планирање, придонесувајќи кон модернизацијата и развојот на заедницата.